Tuesday, November 8, 2016

Acha Kusimama…Fanya Kitu Cha Kubadili Maisha Yako.

Posted by Imani Ngwangwalu  |  at  Tuesday, November 08, 2016 No comments

Kila kitu hakitakuwa kibaya katika maisha yako, wala maisha yako ya mafanikio hayatafika mwisho, eti kwa sababu kwa sasa unapitia katika hali ngumu sana ya kimaisha.
Changamoto unazozipitia katika maisha, zisikufanye ikafika mahali ukajiona wewe hufai, changomoto hizo zisikufanye pia ukajiona umechanganyikiwa na huwezi tena, nafasi ya kubadilisha maisha yako ipo pale pale.
Ni rahisi kujiona husogei katika maisha yako kwa sababu ya hali unayoyapitia. Unachotakiwa kufanya hutakiwi kulidhika na hali hiyo ulipo na kujihalalishia kwamba mimi basi, kipo kitu cha kufanya.
Siku zote wanasema hatua hutengeneza mwendo, pamoja na hali mbaya unayopitia, pamoja na magumu unayopitia, ila fanya kitu kwa kuanza kupanga mipango upya ya nini tena ufanye ili kuweza kufanikiwa.

Hakikisha unabadili maisha yako.
Acha kuendelea kufanya kosa juu ya kosa, acha kusimama kwa namna yoyote ile, kama mambo yako unaona hayaendi sawa, fanya kitu cha kubadili maisha yako mara moja.
Maisha yako kumbuka hayawezi kubaki hivyo hata iweje, ipo nafasi ya kujaribu tena. Nafasi hiyo hana mtu mwingine zaidi yako wewe, ambaye unatakiwa kuitumia na kuisimamia hadi kuona unafanikiwa.
Kutokufanya kitu chochote wakati maisha yako unaona yanakwenda hovyo, haitakusidia kitu. Acha kuniambia kwamba umejaribu sana umeshindwa, acha kuniambia umefanya sana bila matokeo, fanya kitu cha kubadili maisha yako sasa.
Kufanya kitu cha kubadili maisha yako na kujifunza kutokusimama, ni jambo ambalo unatakiwa kulifanyia kazi kila siku bila kuchoka. Hali yoyote unayokumbana nayo isikutishe amua kuibadili.
Unapoona watu waliofanikiwa, hawakupata mafanikio yao hivi hivi tu, bali mafaniko yao waliyapata kwa kwa kuendelea kufanya kitu katika maisha yao na wala sio kusimama kusikilizia maumivu ya kushindwa.
Ikiwa utakuwa mtumwa na kusimama…na kusikilizia maumivu fulani ya kushindwa na kuacha kufanya kitu  cha kubadili hali uliyonayo kwenye maisha yako…nakupa uhakika utajikwamisha mwenyewe na utaenda kufanya maisha yako yawe mabovu.
Washindi wote katika mafanikio wanakuja kwa kutenda…fanya kitu katika maisha yako, hata kama kitu hicho ni kidogo, wewe fanya. Wahenga walisema kidogo kidogo hujaza kibaba, kwa kufanya hivyo hivyo utaleta mabadiliko ya maisha yako.  
Kumbuka hili siku zote na liweke katika hatua ya utendaji, utabadilisha maisha yako sana na kuwa ya mafanikio makubwa.
Tunakutakia siku njema na kila la kheri.
Endelea kuchota maarifa ya kuboresha maisha yako kwa kutembelea AMKA MTANZANIA na DIRAYA MAFANIKIO kila siku, kwani hizi ndizo nyumba halisi za mfanikio yako ya kudumu.
Ni wako rafiki katika mafanikio,
Imani Ngwangwalu,





KUHUSU AMKA MTANZANIA

AMKA MTANZANIA ni mtandao unaokuhamasisha wewe mtanzania kuchukua hatua juu ya maisha yako. Kupitia mtandao huu utajifunza na kuhamasika ili uweze kuchukua hatua ya kufikia mafanikio makubwa. Kama unataka kutumiwa makala nzuri na vitabu moja kwa moja kwenye email yako, BONYEZA MAANDISHI HAYA na ujaze fomu. KARIBU SANA UJIFUNZE NA KUHAMASIKA

Pata Makala Inapotoka

Weka email yako hapa na uwe wa kwanza kupata makala nzuri inapowekwa kwenye mtandao huu.

Washirikishe Wengine Makala Hii Nzuri

Makala Zinazohusiana na Hii

0 comments:

USIACHE KUWEKA MAONI YAKO HAPA.

© 2013 AMKA MTANZANIA. WP Theme-junkie converted by BloggerTheme9
Blogger templates | Distributed By: BloggerBulk Proudly Powered by Blogger.
back to top