Thursday, November 5, 2015

Chanzo Kikubwa Cha Mabadiliko Ya Maisha Yako, Kinaanzia Hapa.

Posted by Imani Ngwangwalu  |  at  Thursday, November 05, 2015 No comments

Inawezekana ukawa ni miongoni mwa aina ya watu ambao wamekuwa wakijiuliza maswali mengi sana kuhusu sababu ya baadhi ya vitu kama vile hali ngumu za kimaisha, matatizo anayokabiliana nayo binadamu kila siku na shida zinginezo  za maisha haya.
Pia najua umekuwa una maswali kama ‘Kwa nini mimi? Nitakuja kuwa nani? Nitafanya nini na maisha yangu? Malengo yangu ni nini? Je, ndoto zangu zinaweza kutimia? Naweza kufanya mambo makubwa na kuwa na pesa.’ Yote hayo yamekuwa maswali  yanayosumbua vichwa vya watu wengi.
Tambua kwamba, akili yako ndiyo chanzo kikuu ambacho huweza kuweka mabadiliko katika maisha yako. Hivyo, basi kama tungekuwa hatuna akili ya kujitawala na kutawala ,maisha yasingekuwa na maana. Maisha ya mafanikio kamili ni matokeo ya akili imara yenye mawazo sahihi.
Pamoja na maswali yote hayo ambayo umekuwa ukijiuliza umekuwa huna uhakika je, kweli majibu hayo yapo? Na kutokana na kukosa majibu hayo  umekuwa mara nyingi ukikata tamaa na kuona maisha yako tena basi hayawezekani kwa lolote.
Lakini ninachotaka kukwambia unao uwezo mkubwa wa kubadili maisha yako ikiwa utaamua kutumia uwezo wa akili ulionao kikamilifu. Kumbuka akili yako, ndicho chanzo kikuu cha mabadiliko. Na utaweza tu kufanikiwa kwa urahisi kwa kufanya mambo haya:-
1. Kuwa kiongozi na mlinzi wa akili yako.
Kumbuka siku zote maisha yako yote yapo mikononi mwako. Ili kufanikiwa inahitajika akili yako kwanza iweze kujiandaa, kupanga, kukubali na kuamini kwamba maisha bora ni yako na si vinginevyo. Akili uliyonayo ndiyo hazina pekee kwa maisha yenye mafanikio makubwa.
Kwa namna yoyote ile ukishindwa kuwa kiongozi wa akili yako kuilekeza kwenye mafanikio makubwa ambayo ni haki yako kuyapata, mafanikio hayo utaishia kuyaona kwa watu wengine tu basi. Utajitahidi kwa hili mara lile lakini kwa sababu umejifunga itakuwa ngumu kwako kufanikiwa.
Watu wengi wameshindwa kuwa walinzi wa akili zao na kuelekea kwenye njia ya mafanikio. Matokeo yake wamefungwa na mawazo potofu kama ‘ Sina nyota, sina kipaji, sina uwezo wa kutosha kufanya jambo hili’ na mambo mengineyo mengi ambayo umekuwa ukijisemea na ndiyo chanzo cha umaskini maishani mwako.

AMKA MTANZANIA
MABADILIKO YOTE YANAANZIA NA AKILI.
2. Jijengee fikra huru.
Kama utaendelea kuzifunga fikra zako ni wazi utaendelea kubaki na matatizo yako hayo. Umefika wakati wa kuziachia fikra zako na kuwa huru ili kushinda matatizo yote unayokabiliana nayo. Jiambie mwenyewe  ‘Sijazaliwa kwa ajili ya matatizo, nimezaliwa kuwa na mafanikio’
Hakuna namna unavyoweza kutatua na kuondoa shida na matatizo yako bila ya akili yako kuitumia kikamilifu. Hauhitaji hatua ya kufikia kukata tamaa na kujiingiza kwenye ulevi wa pombe. Suluhisho pekee ulilonalo ni kuitumia akili yako kikamilifu na kwa makini.
Umefika wakati wa kujenga picha mpya ya mafanikio na kuondoa kujiwekea vikomo vya viwango vya kimafanikio. Utafanikiwa hili kwa kujiwekea fikra huru ambazo zitakusaidia kutatua matatizo uliyonayo. Kwani ikumbukwe chanzo chote cha mafanikio na mabadiliko kinaanzia kwenye akili yako.
Haijalishi kwamba upo kwenye matatizo mengi kiasi gani. Haijalishi umeumizwa mara ngapi  na maisha. Kwa vyovyote vile wewe ni mshindi wa maisha yako ikiwa utaamua kuwa kiongozi na mlinzi wa fikra zako pamoja na kujijengea fikra huru zitakazokupa maisha ya mafanikio siku hadi siku.
Kwa makala nyingine nzuri karibu kwenye DIRA YA MAFANIKIO kujifunza na kuhamasika zaidi.
DAIMA TUPO PAMOJA MPAKA MAISHA YAKO YAIMARIKE,
Ni wako rafiki katika mafanikio,
Imani ngwangwalu,
Simu; 0713 048 035,



KUHUSU AMKA MTANZANIA

AMKA MTANZANIA ni mtandao unaokuhamasisha wewe mtanzania kuchukua hatua juu ya maisha yako. Kupitia mtandao huu utajifunza na kuhamasika ili uweze kuchukua hatua ya kufikia mafanikio makubwa. Kama unataka kutumiwa makala nzuri na vitabu moja kwa moja kwenye email yako, BONYEZA MAANDISHI HAYA na ujaze fomu. KARIBU SANA UJIFUNZE NA KUHAMASIKA

Pata Makala Inapotoka

Weka email yako hapa na uwe wa kwanza kupata makala nzuri inapowekwa kwenye mtandao huu.

Washirikishe Wengine Makala Hii Nzuri

Makala Zinazohusiana na Hii

0 comments:

USIACHE KUWEKA MAONI YAKO HAPA.

© 2013 AMKA MTANZANIA. WP Theme-junkie converted by BloggerTheme9
Blogger templates | Distributed By: BloggerBulk Proudly Powered by Blogger.
back to top