Friday, October 10, 2014

Mambo Matano Ya Uongo Uliyojifunza Shuleni.

Posted by Makirita Amani  |  at  Friday, October 10, 2014 No comments

Shule ni nzuri sana maana ndio imetuwezesha kusoma, kuandika na kuhesabu. Vitu vitatu muhimu sana ambavyo unavitumia kwenye maisha yako yab kila siku.
Shule hii hii imekufundisha mambo mengine ya uongo ambayo yamekuwa kikwazo kwako kufikia mafanikio.
Haya hapa ni mambo matano ya uongo uliyofundishwa shuleni.
1. Ukifeli shule umefeli maisha.
Umeaminisha kwamba kama utafeli darasani basi maisha yatakuwa magumu sana kwako. Ukweli ni kwamba hakuna uhusiano wa karibu kati ya kufeli shule na kufanikiwa maishani.
2. Umekuja mwenyewe na utaondoka mwenyewe.
Hii ni tabia ambayo umejengewa shuleni ya kufanya mambo mwenyewe ndio maana hata mtihani unapewa mwenyewe. Kwenye mitihani ya maisha ukiifanya mwenyewe ni lazima ushindwe, unahitaji ushirikiano wa watu wengine.
3. Soma kwa bidii, faulu, pata kazi nzuri na utakuwa na maisha mazuri.
Kama bado unaamini hili angalia idadi ya wahitimu ambao hawana ajira au angalia maisha ya wafanyakazi wengi yalivyo magumu.
4. Kujilinganisha na wengine.
Shuleni ulikuwa unalinganishwa na wanafunzi wengine kama vile mnafanana kwa kila kitu. Na ndio maana mlikuwa mnapewa mtihani mmoja kisha unaambiwa umefel au kufaulu kulingana na matokeo ya wengine. Huu ni uongo, wewe ni tofauti kabisa na binadamu mwingine yeyote.
5. Kuna jibu moja sahihi.
Shuleni na hasa kwenye mitihani umefundishwa kwamba kuna jibu moja sahihi, ukipata umepata na ukikosa umekosa. Kwenye maisha ni tofauti kabisa, kuna majibu mengi sana na yote yanaweza kuwa sahihi au sio sahihi. Inategemea na wewe mwenyewe.
Achana na mawazo haya potofu uliyofundishwa shuleni. Jua maisha yako yako chini yako na juhudi na maarifa ndio vitakuletea mafanikio.
TUKO PAMOJA.

KUHUSU AMKA MTANZANIA

AMKA MTANZANIA ni mtandao unaokuhamasisha wewe mtanzania kuchukua hatua juu ya maisha yako. Kupitia mtandao huu utajifunza na kuhamasika ili uweze kuchukua hatua ya kufikia mafanikio makubwa. Kama unataka kutumiwa makala nzuri na vitabu moja kwa moja kwenye email yako, BONYEZA MAANDISHI HAYA na ujaze fomu. KARIBU SANA UJIFUNZE NA KUHAMASIKA

Pata Makala Inapotoka

Weka email yako hapa na uwe wa kwanza kupata makala nzuri inapowekwa kwenye mtandao huu.

Washirikishe Wengine Makala Hii Nzuri

Makala Zinazohusiana na Hii

0 comments:

USIACHE KUWEKA MAONI YAKO HAPA.

© 2013 AMKA MTANZANIA. WP Theme-junkie converted by BloggerTheme9
Blogger templates | Distributed By: BloggerBulk Proudly Powered by Blogger.
back to top