Thursday, October 23, 2014

Kama Unahisi Umechoshwa Na Maisha, Soma Hapa Ujue Ni Kipi Cha Kufanya Ili Uondokane Na Hali Hiyo.

Posted by Imani Ngwangwalu  |  at  Thursday, October 23, 2014 No comments

Kuna wakati katika maisha yako, unaweza ukahisi unachoshwa na matukio yanayokutokea. Hisia hizi zaweza kuibuka hasa wakati unapojikuta pengine una madeni mengi, unaposhindwa kuona mabadiliko katika maisha yako, ama kuona maisha ya kila siku ni yale yale na yamekuchosha.


Kufikiria katika hali ya kuwa na matumaini ni kitu kizuri sana, lakini haitoshi. Unatakiwa kujua ni nini kinachokufanya uhisi kuwa mtu uliyechoshwa na maisha. Unatakiwa kutafuta njia za kuishinda nafsi yako kutoka kwenye kujenga hisia hizi, na kutafuta mafanikio upya.

Huenda ukahitaji kuweka nafsi yako katika namna ya kuwa tayari kutoka kwenye hali hii. Huenda ni muhimu ukajiuliza, ni nini hasa unachotazama hivi sasa? Kama unazunguka kwenye kile kinachokufanya uhisi umechoshwa na maisha, kutakufanya uzidi kusita kuchukua hatua ya kutoka kwenye hali hii.

Kuondokana na tabia hii inayokuzuia, ipo njia moja muhimu ya kuboresha hali yako ya maisha tena. Usiitoe nafsi yako katika hali ya kujiendesha yenyewe, hasa pale unapofanya mambo bila kupanga. Jenga tabia bora zaidi kila siku zitakazokuletea matokeo bora zaidi na kuondokana na hali ya kuchoshwa.

Katika hali ya kawaida unaweza ukawa unajiuliza, unawezaje kujenga tabia hizi bora na kuweza kuondokana na hali ya kuchoshwa  katika maisha yako. Hivi ndivyo unavyoweza kujenga tabia bora na kuondokana na hali ya kuchoshwa, inayokukatisha tamaa.

1. Tafuta kitu kipya cha kujifunza kila siku.

Ni muhimu kijifunza mambo mapya kila siku hata kama hukuwa umevutika nayo sana hapo mwanzoni. Kile ambacho tayari unakijua na ukaendelea kukirudia, wakati mwingine huweza kufanya maisha yako yawe ya kuchosha. Wasiliana na watu wengine au tafuta washirika . Zungumza na watu wanaoweza kukusaidia kupata mafunzo mapya na uzoefu mpya. 

Toka nje na uchanganyike na watu katika hali ya furaha huku ukizingatia kujifunza zaidi. Mambo haya mapya pia unaweza ukajifunza kupitia vitabu, au kusoma kwenye mitandao muhimu ya kubadilisha maisha kama vile AMKA MTANZANIA na KISIMA CHA MAARIFA.


2. Jikumbushe malengo yako.

Huenda ulikuwa na kazi nyingi sana ukijaribu kutekeleza mambo haraka na katika hali sahihi, kiasi kwamba umesahau kile unachotaka. Usiruhusu nafsi yako kusahulishwa kwa kasi inayochukua. Kumbuka unahitaji muda kujijenga na kukua. Endelea kupambana na upinzani.( Soma pia Unasahau Sana Kitu Hiki Katika Maisha Yako, Ndiyo Maana Hufanikiwi Kwa Kiasi Kikubwa)

3. Jijengee nidhamu binafsi.

Bila kujali ni taratibu kiasi gani maendeleo yako yanaonekana, unatakiwa kuendelea kufanya mambo muhimu na kuweka imani ya kwamba, mambo yatabadilika tu. Usiisaliti nafsi yako, jipe moyo kisha songa mbele hata kama unahisi umechoka.

4. Kama unahisi uchovu, pumzika.
Tumia muda wako kufanya mambo yatakayo kurudishia nguvu na kusaidia hisia zako kutibu uchovu wako. Usipumzike kwa muda mrefu sana kwa sababu unaweza kuishia kusimamisha baadhi ya mambo yako muhimu. Pata muda wa kutosha tu unaohitaji kupumzika na baadae anza tena shughuli zako ukiwa na nguvu za kutosha.

Unaweza ukaondokana na hali ya kuchoshwa katika maisha yako, endapo utachukua hatua ya vitendo kufanyia kazi mambo hayo niliyokutajia. Zaidi unaweza kujiunga na KISIMA CHA MAARIFA kujifunza kukabiliana na hali kama hizo unazokutana nazo katika maisha yako.

Nakutakia ushindi katika safari yako ya mafanikio na endelea kutembelea AMKA MTANZANIA kwa kupata maarifa zaidi.

DAIMA TUPO PAMOJA MPAKA MAISHA YAKO YAIMARIKE.

IMANI NGWANGWALU – 0767048035/ingwangwalu@gmail.com

KUHUSU AMKA MTANZANIA

AMKA MTANZANIA ni mtandao unaokuhamasisha wewe mtanzania kuchukua hatua juu ya maisha yako. Kupitia mtandao huu utajifunza na kuhamasika ili uweze kuchukua hatua ya kufikia mafanikio makubwa. Kama unataka kutumiwa makala nzuri na vitabu moja kwa moja kwenye email yako, BONYEZA MAANDISHI HAYA na ujaze fomu. KARIBU SANA UJIFUNZE NA KUHAMASIKA

Pata Makala Inapotoka

Weka email yako hapa na uwe wa kwanza kupata makala nzuri inapowekwa kwenye mtandao huu.

Washirikishe Wengine Makala Hii Nzuri

Makala Zinazohusiana na Hii

0 comments:

USIACHE KUWEKA MAONI YAKO HAPA.

© 2013 AMKA MTANZANIA. WP Theme-junkie converted by BloggerTheme9
Blogger templates | Distributed By: BloggerBulk Proudly Powered by Blogger.
back to top