Friday, October 24, 2014

Back To Life Youth Retreat 2014; Jinsi Ya Kupata Maisha Uyatakayo.

Posted by Makirita Amani  |  at  Friday, October 24, 2014 No comments

Je, kama kijana wa kisasa kuna wakati changamoto za maisha zinakuwa nyingi na kubwa kiasi ambacho akili yako inashindwa kung’amua ni kwa namna gani utazishinda? Je msongo wa mawazo kuhusu mustakabali wa maisha yako ya sasa na ya baadaye umekufanya ukate tamaa au unakuchochea ukate tamaa ya kuendelea kupambana kuyasaka maisha unayoyataka? Na je, umekuwa ukihitaji kujua kusudi lako kuishi bila kufanikiwa na umekuwa ukiota ndoto na kujiwekea malengo ya kufanikiwa kimaisha ambayo hayatimiziki siku zote? Lakini mwisho nikuulize kama unataka kuachana na yote yanayokukwamisha na kujipanga upya ili uweze kuyafikia malengo yako na kuyapata maisha unayohitaji?

Haya ni machache kati ya mengi yanatukabili vijana wa kitanzania wa leo na yanapeleekea sisi kuchanganyikiwa na kupoteza dira ya maisha. Mabadiliko ya kasi ya kimaisha yanayochochewa na maendeleo ya teknolojia yanaleta vitu vingi ambavyo kama kijana usipojipanga kiakili na kujua unahitaji nini katika maisha yako, ni lazima utachanganyikiwa na kuvikosa vyote. Jamii ya sasa inahitaji kijana anayeishi kwa akili na ubunifu zaidi ya nguvu ili aweze kufanikiwa katika maisha yake.

Back to life Youth retreat ni warsha iliyoandaliwa mahsusi kwa ajili ya vijana kujitafakari, kujitathmini na kujitambua kuhusu utu wao, vipaji vyao na mustakabali wa maisha yao. Imelenga kumsaidia kijana atambue kwanini maisha yake yamefika hapo yalipo, atambue ni maisha ya aina gani anayahitaji baadaye na ni vipaji gani na uwezo gani alionao utakaomsaidia kuyafikia maisha anayoyataka. Lakini pia katika warsha hii maalumu kijana atapata wasaa wa kutengeneza malengo, mkakati na mpango kazi utakaomsaidia kuanza maisha mapya aliyoyachangua kwa vitendo kwani kujifunza bila kutekeleza hakuleti mabadiliko mtu anayoyahitaji katika maisha binafsi.

Ili kijana uweze kufanikiwa katika Tanzania ya leo unahitaji kutokuwa mvivu wa kufikiri na kubuni mawazo mapya ya kubadilisha na kuboresha maisha yako. Wengi tumekuwa tukiamini kwamba pesa au mtaji ndio chanzo cha mafanikio yetu kitu ambacho wengi hakijawasaidia lakini pesa inaweza kuwa msaada kama ikipata wazo sahihi la kuitumia kama mtaji kulitekeleza wazo hilo. Back to Life Youth retreat imelenga kumsaidia kijana kuyatafsiri maisha yake katika namna itakayomsaidia kuziona fursa za kufanya jambo jipya ambalo kwalo ataibua wazo zuri la biashara au litakaloboresha maisha yake kwa namna tofauti.

Ndani ya siku tatu za warsha hii, kijana atapitishwa katika mazingira ya utulivu yatakayomruhusu kusafisha fikra mbovu za kizamani zinazomchelewesha na kuibua tabia mpya itakayomsaidia yeye kuwa mpya katika maeneo yote ya kimaisha anayohitajika kujipanga upya. Wengi wetu tumekuwa tukihangaika na pilika kwa miezi 12 yote bila hata kupumzika na kupata muda wa kujipanga, kujitathimini na kuweka malengo mapya ili tuboreshe zaidi tunayoyafanya ndio maana TrueMaisha Consultancy tukaibua warsha hii ya siku tatu ili kuwasaidia watanzania hususani vijana kwa sasa.

Vijana wowote waliofanikiwa Tanzania na penginepo duniani huwa na fikra pevu na za kibunifu, hupata muda maalumu wa kujitafakari na kubuni vitu vipya, hujipa fursa kama hizi mara nyingi ndio maana huonekana wakifanya vitu vipya na kufanikiwa siku zote. Hii ni fursa nzuri ya kijana wa kitanzania kukutana na vijana wengine pamoja na wataalamu wa saikolojia ya mafanikio, kukaa pamoja na kupanga mafanikio binafsi. Piga 0653808032 kwa taarifa zaidi au tembelea www.truemaisha.com kujiunga na retreat hii itakayofanyika kuanzia tar 19 hadi 21 Desemba 2014 Dar es salaam. Mabadiliko uyatakayo yanaanzia kwako.

kitabu-kava-tangazo4323

KUHUSU AMKA MTANZANIA

AMKA MTANZANIA ni mtandao unaokuhamasisha wewe mtanzania kuchukua hatua juu ya maisha yako. Kupitia mtandao huu utajifunza na kuhamasika ili uweze kuchukua hatua ya kufikia mafanikio makubwa. Kama unataka kutumiwa makala nzuri na vitabu moja kwa moja kwenye email yako, BONYEZA MAANDISHI HAYA na ujaze fomu. KARIBU SANA UJIFUNZE NA KUHAMASIKA

Pata Makala Inapotoka

Weka email yako hapa na uwe wa kwanza kupata makala nzuri inapowekwa kwenye mtandao huu.

Washirikishe Wengine Makala Hii Nzuri

Makala Zinazohusiana na Hii

0 comments:

USIACHE KUWEKA MAONI YAKO HAPA.

© 2013 AMKA MTANZANIA. WP Theme-junkie converted by BloggerTheme9
Blogger templates | Distributed By: BloggerBulk Proudly Powered by Blogger.
back to top