Tuesday, August 12, 2014

Acha Chochote Unachofanya na Usome Hapa Kwa Dakika Mbili Tu.

Posted by Makirita Amani  |  at  Tuesday, August 12, 2014 No comments

Habari za leo mpenzi msomaji wa AMKA MTANZANIA naamini unaendelea vizuri na harakati zako za kuboresha maisha yako kila siku. Pia najua unapitia magumu mengi mpaka unaona ndoto kubwa unazotarajia haziwezi kufikiwa.

Leo naomba uchukue dakika zako tano tu, mbili kusoma hapa na tatu kufanya maamuzi ya maisha yako. Najua muda wako ni mdogo sana na hivyo dakika tano kwako zinaweza kuwa nyingi sana. Ila nakusihi sana utumie dakika hizo tano tu na ubadili maisha yako.

maisha1

Naomba ukae chini na kujiuliza maswali yafuatayo kuhusu maisha yako;

1. Je utaendelea na maisha hayo mpaka lini? Maisha ya kulalamika, maisha ya kukimbiza fedha, maisha ya kuishi kwa ugumu yatakwenda mpaka lini?

2. Je utaendelea kufanya kazi au biashara usiyoipenda mpaka lini. Hupendi kabisa kazi unayoifanya, kazi ni ngumu malipo ni kidogo kila siku inapoanza unatamani iwe imeisha.(soma; kama unataka kufanikiwa usifanye kazi.)

3. Je utaendelea kuishi maisha ya udalali mpaka lini? Maisha ambayo unapata fedha kwenda kulipa madeni na baada ya kulipa madeni unabaki bila fedha unaanza tena kukopa. Hebu fikiri kwa kina maisha haya utaenda nayo mpaka lini?(soma; hivi ndivyo unavyofanya udalali wa maisha yako.)

Fikiria maswali hayo na leo hii fanya maamuzi ambayo miaka michache ijayo maisha yako yatabadilika sana.

Maisha ni mafupi sana kuendelea kuishi kwa mateso au kwa maigizo. Unaweza kuishi maisha yale unayotaka wewe kama tu ukiamua kuishi hivyo.

Sehemu kubwa ya maisha yako inatokana na kuiga wengine wanafanya nini. Unanunua vitu vinavyokuingiza kwenye madeni kwa sababu wengine nao wananunua au unataka uonekane. Unafanya kazi ya ajira kwa sababu ndio heshima kwenye jamii inayokuzunguka. Unafanya biashara kwa sababu kuna watu wengine wanafanya biashara hapo ulipo.

Haya yote yamekufikisha hapo ulipo na unaona hakuna kingine kinachowezekana zaidi tu ya kusukuma siku.

Leo nataka uache kuishi maisha hayo ya mazoea, nataka utengeneze maisha yako mwenyewe na sio kuishi yale ambayo yametengenezwa na wengine.

Hilo linawezekana kama utaamua kufanya hivyo.

Chukua maamuzi sasa, kama kuna kitu chochote ambacho hukipendi kwenye maisha yako unaweza kukibadili sasa. Sehemu nzuri ya kujifunza mabadiliko haya kwa kina ni kwenye KISIMA CHA MAARIFA bonyeza maandishi hayo na upate maelekezo ya kujiunga ili uweze kuboresha maisha yako.

Nakutakia kila la kheri katika harakati za kuboresha maisha yako.

TUKO PAMOJA.

KUHUSU AMKA MTANZANIA

AMKA MTANZANIA ni mtandao unaokuhamasisha wewe mtanzania kuchukua hatua juu ya maisha yako. Kupitia mtandao huu utajifunza na kuhamasika ili uweze kuchukua hatua ya kufikia mafanikio makubwa. Kama unataka kutumiwa makala nzuri na vitabu moja kwa moja kwenye email yako, BONYEZA MAANDISHI HAYA na ujaze fomu. KARIBU SANA UJIFUNZE NA KUHAMASIKA

Pata Makala Inapotoka

Weka email yako hapa na uwe wa kwanza kupata makala nzuri inapowekwa kwenye mtandao huu.

Washirikishe Wengine Makala Hii Nzuri

Makala Zinazohusiana na Hii

0 comments:

USIACHE KUWEKA MAONI YAKO HAPA.

© 2013 AMKA MTANZANIA. WP Theme-junkie converted by BloggerTheme9
Blogger templates | Distributed By: BloggerBulk Proudly Powered by Blogger.
back to top